Friday, November 2, 2018

അൽമായരോട് സഭ - യാമപ്രാർത്ഥനകളെപ്പറ്റി




Image result for 2nd vatican council
1. അജപാലകർ ഞായറാഴ്ചയിലും തിരുനാളുകളിലും പ്രാധാന യാമനമസ്കാരങ്ങൾ പ്രത്യേകിച്ചും സായാഹ്നനമസ്കാരം, പള്ളിയിൽ വച്ചു പൊതുവായി നടത്തുവാൻ ശ്രമിയ്ക്കേണ്ടതാണ്. അൽമായരും വൈദീകരോടൊപ്പമോ, അലമായ സമൂഹങ്ങളിലോ തനിച്ചോ യാമനമസ്കാരങ്ങൾ ചൊല്ലുന്നത് പ്രോത്സാഹിപ്പിയ്ക്കപ്പെടേണ്ടതാണ്. (100, CONSTITUTION ON THE SACRED LITURGY, SACROSANCTUM CONCILIUM
SOLEMNLY PROMULGATED BY HIS HOLINESS POPE PAUL VI ON DECEMBER 4, 1963 )


2. സഭയുടെ പരസ്യ പ്രാർത്ഥനയായ യാമനമസ്കാരങ്ങളിൽ പങ്കുചേരുന്ന വിശ്വാസികൾ (വൈദീകരും, സമർപ്പിതരും, അൽമായരും) മാമോദീസാവഴി ലഭിച്ച രാജകീയപൗരോഹിത്യം നിർവ്വഹിയ്ക്കുന്നു. (1174, Catechism of the Catholic Church on The Liturgy of the Hours)Image result for CCC catechism of catholic church


3. അൽമായർ പ്രാർത്ഥനയ്ക്കാനോ മറ്റു സഭാ ശുശ്രൂഷകൾക്കായോ സമ്മേളിയ്ക്കുമ്പോൾ തങ്ങളൂടെ സഭാപരമായ ഉത്തരവാദിത്തം യാമപ്രാർത്ഥന ചൊല്ലിക്കൊണ്ടു നിവ്വഹിയ്ക്കുന്നത് പ്രോത്സഹിപ്പിയ്ക്കപ്പെടണം. (27, റോമൻ കത്തോലിയ്ക്കാ സഭയുടെ യാമപ്രാർത്ഥന സംബന്ധമായ പൊതു നിർദ്ദേശങ്ങൾ)
4. ഗാർഹിക സഭയായ കുടുബങ്ങളെ സംബന്ധിച്ചിടത്തോളം ഒരുമിച്ചു പ്രാർത്ഥിയ്ക്കുക എന്നതിലുപരി സഭയുടെ ജീവിതത്തിലേയ്ക്ക് കൂടുതൽ ആഴത്തിൽ പ്രവേശിപ്പിക്കുന്നു എന്നതുകൊണ്ട് യാമപ്രാർത്ഥനകൾ വലിയൊരു സാധ്യതയാണ്. (27, റോമൻ കത്തോലിയ്ക്കാ സഭയുടെ യാമപ്രാർത്ഥന സംബന്ധമായ പൊതു നിർദ്ദേശങ്ങൾ)
5. സങ്കീർത്തനങ്ങൾ ഉപയോഗിച്ചു പ്രാർത്ഥിയ്ക്കുവാനും യാമപ്രാർത്ഥനകളോടു പരിചിതരാകുവാനുമുള്ള എന്റെ ആഹ്വാനം ഞാൻ ഇതാ ആവർത്തിയ്ക്കുന്നു. (ബനഡിക്ട് 16 ആമൻ മാർപ്പാപ്പാ, 2011 നവംബർ 16 സെന്റ് പീറ്റേഴ്സ് സ്വയറിൽ പൊതു വിശ്വാസീ സമൂഹത്തോടൂ ചെയ്ത പ്രസംഗം)

 Image result for pope benedict xvi

മിശിഹായിൽ പ്രീയപ്പെട്ടവരേ മേൽ പറഞ്ഞതെല്ലാം വിശ്വാസികൾ അൽമായർ കുടുംബങ്ങളിൽ ഉൾപ്പെടെ യാമപ്രാർത്ഥന ചൊല്ലണമെന്നുള്ള സഭയുടെ ആഗ്രഹമാണ് പ്രതിഫലിപ്പിയ്ക്കുന്നത്. ചൊല്ലണമോ വേണ്ടയോ എന്നുള്ളതു നിങ്ങളുടെ സ്വാതന്ത്യമാണ്. കേൾക്കാൻ ചെവിയുള്ളവൻ കേൾക്കട്ടെ.

Monday, June 25, 2018

റാസൽഖൈമയിലെ വീട്

ജോർജ്ജ് സാറും റോണിയും ഞാനും കൂടി കാറിൽ പോവുകയായിരുന്നു. ജോർജ്ജ് സാർ ചോദിച്ചു: "റോണി ഇപ്പോൾ എവിടെയാണ് താമസിയ്ക്കുന്നത്."
ഞാൻ ഇപ്പോൾ സിഎസ്ടിയിൽ ആണു സാർ - റോണി പറഞ്ഞു.
ഞങ്ങൾ കൂട്ടൂകാർ കൂടി ഒരു ഫ്ലാറ്റിൽ ആയിരുന്നു. മൂന്നു നാലു പേരുണ്ടായിരുന്നു. ഓരോരുത്തരും സ്ഥലം മാറിപ്പോയി. റാസൽഖൈമയിലെ ആ വലിയ വീട്ടിൽ ഞാൻ തനിച്ചായി. പിന്നെ ഞാൻ സിഎസ്ടിയിലേയ്ക്കു മാറി.

ഞാൻ ചോദിച്ചു ജോർജ്ജ് സാറിനു റാസൽ ഖൈമയിലെ ആ വലിയ വീട് മനസിലായോ?

ഏതോ വലിയ വീടായിരിയ്ക്കും, ഏതെങ്കിലും അപ്പാർട്ട്മെന്റിന്റെ പേര് ആയിരിയ്ക്കും എന്നതിൽ കവിഞ്ഞ് റാസൽഖൈമ സാറിന് ഒന്നുമായിരുന്നില്ല. കാരണം സാറ് പ്രേമം സിനിമ കണ്ടിട്ടുണ്ടായിരുന്നില്ല.

റോണി പറഞ്ഞത്  രസിയ്ക്കുവാൻ പ്രേമം സിനിമ കണ്ടിരിയ്ക്കണം അതിലെ ഈ ഡയലോഗിന്റെ സന്ദർഭവും ഒക്കെ അറിഞ്ഞിരിയ്ക്കണം. അതു കാണാത്തവരെ സംബന്ധിച്ചിടത്തോളം റാസ്സൽഖൈമയിലെ വലിയ വീട് ഏതോ ഒരു വലിയ വീട് മാത്രമായിരിയ്ക്കും.

നമ്മുടെ കുർബാനയും ഇതു പോലെയാണ്. പഴയനിയമവും പുതിയനിയമവും അരച്ചു കലക്കിക്കുടിച്ച പിതാക്കന്മാരുടെ ദൈവാനുഭവത്തിൽ നിന്നാണ് സഭയുടെ ലിറ്റർജി രൂപം കൊണ്ടത്. പ്രാർത്ഥനകളിൽ വേദപുസ്തകം തന്നെയാണ് ഉദ്ധരിയ്ക്കുന്നത്. പ്രതീകങ്ങളേയും പ്രാർത്ഥനയേയും മനസിലാക്കി അതിനെ വേദപുസ്തകകവുമായി ബന്ധിപ്പിച്ച് ധ്യാനിക്കുമ്പോഴാണ് കുർബാനയുടെ "മിസ്റ്റിക് ബ്യൂട്ടി" അനുഭവവേദ്യമാവുന്നത്. അതിന്റെ അഭാവത്തിലാണ് പല പ്രയോഗങ്ങളും ശൈലികളും നമുക്ക് അപരിചിതമാവുന്നതും അസ്വാഭാവികമായി തോന്നുന്നതും. അല്ലാത്തവരെ സംബന്ധിച്ചിടത്തോളം റാസൽഖൈമയിലെ വലിയ വീട് സിഎസ്‌ടിയിലേയ്ക്കുള്ള വീടു മാറ്റത്തിൽ അപ്രസക്തമായ ഒരു പ്രയോഗമായിരിയ്ക്കും.

റാസൽഖൈമയിലെ വീട് മനസിക്കാത്തവർക്ക്: